Spurt og svarað


SP: Hvað er Betri Reykjavík?

Sv: Betri Reykjavík er samráðsvettvangur á netinu þar sem íbúum borgarinnar gefst tækifæri til að setja fram hugmyndir sínar um málefni er varða þjónustu og rekstur Reykjavíkurborgar. Sjá nánar á Um Betri Reykjavík.


Sp. Hver rekur Betri Reykjavík ?

Sv: Vefurinn er rekin af Sjálfseignarstofnuninni Íbúar Samráðslýðræði í samstarfi við og fyrir Reykjavíkurborg.


Sp: Geta allir skráð sig á Betri Reykjavík?

Sv: Já, vettvangurinn er opinn öllum til skoðunar en til að taka þátt, svo sem til að setja inn hugmynd eða styðja hugmynd, þarf að skrá sig á hann.


Sp: Hvað verður um hugmyndirnar?

Sv: Til að tryggja að Betri Reykjavík verði raunverulegt áhrifatæki borgarbúa eru ákveðnar leikreglur sem segja til um hvað verði um hugmyndirnar. Þær hugmyndir sem fá mest vægi verða lagðar fyrir viðkomandi fagráð Reykjavíkurborgar. Hugmyndir sem fá minna vægi er ætlað að vera ráðgefandi fyrir kjörna fulltrúa og stjórnendur borgarinnar.


Sp: Hverjar eru leikreglurnar?

Sv:

  • Fimm efstu hugmyndirnar fara mánaðarlega fyrir viðkomandi fagráð
  • Efsta hugmyndin í hverjum málaflokk fer mánaðarlega fyrir viðkomandi fagráð
Nánar má sjá hér um það verklag sem viðhaft er frá því að hugmynd er sett á vefinn og þar til hún fer til afgreiðslu Reykjavíkurborgar.


Sp: Hvernig veit ég hvaða verkefni borgin fer með?

Sv: Hluti af stjórnkerfi Reykjavíkurborgar skiptist í átta fagráð. Þau eru borgarráð, íþrótta- og tómstundaráð, mannréttindaráð, menningar- og ferðamálaráð, skipulagsráð, skóla- og frístundaráð, umhverfis- og samgönguráð og velferðarráð. Nánar er hægt að fá upplýsingar um helstu verkefni hvers ráðs með því að smella hér.

Þegar hugmynd er sett á Betri Reykjavík þarf íbúinn að ákveða hvaða málaflokki hún tengist. Málaflokkarnir eru ferðamál, framkvæmdir, frístundir og útivist, íþróttir, mannréttindi, menning og listir, menntamál, samgöngur, skipulagsmál, stjórnsýsla, umhverfismál, velferðarmál og ýmislegt. Flokkurinn „ýmislegt“ er valinn þegar óljóst er hvaða öðrum málaflokki hún tilheyrir. Val á málaflokki, ákvarðar hvaða fagráð hjá Reykjavíkurborg fær hugmyndina til umfjöllunar ef hún fær til þess nægjanlegan stuðning.


Sp: Hvað ef íbúi veit ekki hvaða málaflokki hugmyndin tilheyrir?

Sv: Ritstjórn Betri Reykjavíkur mun vekja athygli á því ef augljóst er að hugmynd fellur undir annan málaflokk en merktur er, og breyta merkingunni.


Sp: Hvernig fjarlægi ég samþykki mitt af listanum mínum?

Sv: Veldu grátt X sem er hægra megin við hugmyndina á listanum þínum. Þú getur alltaf notað svona X til að breyta vali þínu varðandi samþykki/fylgjandi/á móti og svo framvegis.


Sp: Afhverju eru almennt fleiri samþykkir en á móti málum?

Sv: Reynslan sýnir að þátttakendur nota valmöguleikann "Á móti" einungis til að merkja við hugmyndir sem þeir eru mjög mótfallnir. Ef fólk hefur ekki mjög sterkar skoðanir á hugmyndum þá eru meiri líkur á að það styðji hana heldur en sé á móti.


Sp: Hvernig lagfæri ég stafsetningarvillur í hugmyndinni minni?

Sv: Ef enginn hefur sett samþykki sitt við hugmyndina, geturðu einfaldlega smellt á "Endurnefna þetta mál" í valmyndinni "Aðgerðir" á síðu þess máls og lagað villuna. Annars er hægt að smella á "Merkja til endurskoðunar" í "Aðgerðir" valmyndinni til að vekja athygli á þessu hjá umsjónarmönnum.


Sp: Hvað þýða stóru tölurnar við hliðina á hugmyndunum?

Sv: Þetta er heildarröðunin sem byggir á því hversu margir hafa stutt eða verið á móti og hvort hugmyndirnar eru hátt eða lágt á listanum þeirra. Því lægri sem tölurnar eru, því mikilvægari er hugmyndin. #1 er mikilvægust.


Sp: Hvað með rauðu og grænu örvarnar með númerunum?

Sv: Örvarnar segja til um hvernig hugmynd hreyfist upp og niður í röðuninni. gefur til kynna að hugmyndin er á leiðinni upp í forgangsröðuninni, gefur til kynna að hugmyndin er á leiðinni niður og talan segir til um hversu mörg sæti hugmyndin færðist um í röðuninni.


Sp: Hvað ákvarðar röð hugmynda á Betri Reykjavík?

Sv: Hér skiptir ekki einungis máli hversu mörg samþykki eða mótmæli hugmynd fær. Röðunin ræðst einnig af því hversu mikið og hvernig hver þátttakandi notar vefinn.

Ein af áskorununum við að búa til samráðsvettvang sem þennan er að sumir skrá sig inn á hverjum degi, aðrir skrá sig inn einu sinni í mánuði og enn aðrir skrá sig inn einu sinni en koma síðan ekki til baka. Reynt er að koma í veg fyrir að enginn af þessum hópum öðlist meira mikilvægi en aðrir. Til dæmis ættirðu ekki að þurfa að skrá þig inn á síðuna á hverjum einasta degi til að uppfæra þín mál þar sem flestir myndu ekki gera það, ásamt því að það myndi veita þeim með mesta tímann of mikið mikilvægi. En þú ættir ekki heldur að geta skilið eftir bráðabirgðanetfang, styrkt eitt mál, komið ekki aftur og láta það skipta jafn miklu máli, eins og einhver sem hefði sett saman stóran lista mála.

Hvernig á þá að nota síðuna? Hinn ákjósanlegi einstaklingur og notandi Betri Reykjavíkur, er sá sem skilur eftir rétt tölvupóstfang og staðfestir það (þú ættir að sjá athugasemd til hægri á síðunni ef þú ert ekki búinn að staðfesta), styður og mótmælir málum í fjölda flokka, gefur einstaka sinnum ástæðu eða rök fyrir skoðun sinni og kemur aftur að minnsta kosti einu sinni í mánuði á Betri Reykjavík.

Annar stór þáttur er hversu hátt hugmynd er forgangsraðað á listanum þínum, en hugmyndum er hægt að raða í forgangsröð á síðunni Mínar hugmyndir. Ef fjöldi fólks velur sömu hugmynd sem fyrstu forgangshugmynd, gefur það málinu meira vægi en málum sem flestir flokka sem t.d. númer tuttugu á listanum sínum.

Í stuttu máli má því segja að eftirfarandi ráði til um röðun hugmynda:
1. Mesta vægið á röðun hugmyndar ræðst af því hversu margir styðja hana eða eru á móti henni.
2. Næst mestu áhrifin á röðunina koma til af því meðaltali sem hugmynd fær út úr öllum notendabundnum forgangslistum (þ.e. eftir því hvernig notendur Betri Reykjavíkur raða hugmynd í forgangsröð á síðunni Mínar hugmyndir).
3. Að síðustu hefur það einnig áhrif á röðunina hversu virkur hver notandi er á Betri Reykjavík.


Sp: Hve lengi er hugmynd opin til að styðja hana eða vera á móti henni?

Sv: Á síðasta virka degi hvers mánaðar, klukkan 12.00, eru fimm efstu hugmyndirnar á Betri Reykjavík og efsta hugmyndin í hverjum málaflokki, færðar til formlegrar umfjöllunar hjá Reykjavíkurborg. Þar með er ekki lengur hægt að gefa þeim vægi sitt. Aðrar hugmyndir eru hins vegar áfram opnar til umræðu hjá notendum Betri Reykjavíkur.


Sp: Hvað eru Mínar hugmyndir?

Sv: Hugsaðu þér þínar hugmyndir eins og lög á vinsældalista. Listinn sýnir þá stöðu á hugmyndum sem þú velur, með því að draga þær handvirkt upp eða niður listann á þínu svæði. En þín röðun hefur áhrif á stöðu hugmyndanna á stóra listanum (sbr. útskýringar við Hvað ákvarðar röð hugmynda á Betri Reykjavík?).


Sp: Hvað tákna gröfin á síðum einstakra hugmynda?

Sv: Gröfin sýna hvernig hugmyndir hafa farið upp eða niður í forgangsröðun seinustu þrjá mánuðina (eða styttra ef það hefur ekki verið uppi það lengi). Magntölurnar eru fjöldi þeirra sem styðja eða styðja ekki viðkomandi hugmynd á hverjum degi.


Sp: Hvað er Samfélagsstig, (s)?

Sv: Samfélagsstig (s) sýna hversu mikil áhrif þú hefur og eru m.a. notuð til að sýna "áhrifamestu notendurna". Þú getur notað þín samfélagsstig til að hvetja aðra notendur til að styðja við þær hugmyndir sem þú vilt koma á framfæri við aðra notendur. Þú getur safnað samfélagsstigum (sjá Hvernig afla ég Samfélagsstiga ?). Það hversu mörg samfélagsstig þú hefur áunnið þér, hefur áhrif á það hversu mikið magn af hvatningum þú getur notað til að koma hugmyndum á framfæri við aðra notendur. Samfélagsstigin segja einnig til um hversu virkur þú ert á Betri Reykjavík, en það hefur áhrif á vægi þitt við forgangsröðun hugmynda (sbr. Hvað ákvarðar röð hugmynda á Betri Reykjavík ?).


Sp: Hvernig afla ég Samfélagsstiga (s)?

  • Þú færð +1s þegar einhver ákveður að fylgjast með þér og missir -1s þegar einhver hættir að fylgjast með þér.

  • Þú færð +1s ef einhverjum finnast rök frá þér gagnleg.

  • Til viðbótar færðu +1s ef bæði þeim sem styðja hugmynd og eru á móti henni finnast þín rök gagnleg.

  • Þú færð +5s þegar einhver samþykkir boð frá þér um að taka þátt hér á vefnum

    • .


    Sp: Er villupúki innbyggður í kerfið?

    Sv: Nei, það er engin villuleit innbyggð en þú getur notað innbyggða villuleit sem er í mörgum vöfrum, m.a: