Augnablik
hleð...
|
|
|
|
Styð Borgarlandbúnaður
Gróðurhúsið verður með svipuðu sniði og skólagarðarnir nema innandyra. Hver fær sinn reit til umráða og ræktar þar til eigin brúks matvæli og jurtir allt árið um kring eða þann tíma sem reiturinn er til leigu. Leigutímabilið er hálft ár í senn. Einungis verður hægt að rækta lífrænt í húsinu. Hitinn verður í kringum 20° svo hægt verður að rækta margskonar tegundir innan marka laganna þó. Notast verður við ljósaperur og affalsvatn úr hitaveituleiðslum borgarinnar.
25 aðilum fannst þetta gagnlegt.
|
|
|
Hundar hverfa ekki úr borginni þó þjónustan sé lítil sem engin. Það hefur reynslan sýnt, en undanfarin 10 ár hefur hundaeign í borginni meira en tvöfaldast. Íbúar í Reykjavík greiða meira en 30 milljónir í hundaleyfisgjöld á ári og íbúar í öðrum sveitarfélögum borgarinnar meira en 20 milljónir. Samt eru einungis 1-2 hundasvæði í allri borginni. Hundar þurfa hreyfingu og efla félagsþroskann með því að leika lausir við aðra hunda daglega. Því ættu hundagerði að vera í öllum hverfum borgarinnar.
24 aðilum fannst þetta gagnlegt.
|
|
|
Hundahald er alltaf að verða útbreiddara og hundaeigendur eiga misauðvelt með að hleypa þeim út að viðra sig, eins hafa eigendur og hundar auðveldara með samskipti við aðra eigendur ef hægt er að hitta aðra í sama tilgangi. Eins þurfa hundar að læra að umgangast aðra hunda og fólk og geta það á svona stöðum.
15 aðilum fannst þetta gagnlegt.
|
|
|
Með breyttu veðurfari, hver svo sem ástæðan fyrir því er, er í dag kominn góður grunnur til þess að rækta ávaxtatré á Íslandi t.d. epla-, peru-, plómu- og kirsuberjatré.
Hægt er að skipuleggja ákveðin svæði inn í skógum sem eru í Reykjavík, Hljómskálagarðinum, Fjölskyldu- og Húsdýragarðinum og gætu komið í staðin fyrir þær aspir sem verið er að fella um þessar mundir.
Nemendur Landbúnaðarháskóla Íslands geta svo séð um að halda utan um og sjá til þess að ávaxtatré og runnar dafni.
15 aðilum fannst þetta gagnlegt.
|
|
Það eru margir hundaeigendur í Reykjavík en ekki mikill skilningur fyrir hundahaldi. Það má hvergi vera með hunda lausa innan miðbæjarsvæðisin sem er alveg skiljanlegt en í staðin mætti útbúa afgyrt svæði þar sem hundar mættu hlaupa um frjálsir með öðrum hundum og hunda eigendur geta hisst og spjallað. Þetta svæði gæti nýst vel sem notalegur fjöskyldu garður, það væri hægt að hafa bekki og útigrill eins og í hljómskálagarðinum. Ónýtta svæðið við hliðina á Loftkastalanum myndi henta vel.
14 aðilum fannst þetta gagnlegt.
|
|
Þegar verið er að leggja niður skólagarða hér, er verið að fjölga þeim alls staðar erlendis - börnin læra ræktun en líka virðingu fyrir matnum, og afraksturinn getur verið notaður í mötuneytin til að lækka kostnaðinn en líka til að gefa skólabörnum betri fæði. Þetta er kostnaðarlítil aðgerð með miklum áhrifum.
14 aðilum fannst þetta gagnlegt.
|
|
|
Þegar gengið er upp frá Bergstaðastræti og upp á Freyjugötu er á brattan að sækja. Gamlir og lúnir fætur verða þreyttir. Móðir mín gengur iðulega þessa brekku og þarf að setjast þegar upp er komið. Hún tyllir sér á tröppuna á húsi á Óðinsgötu. Fiskbúðin og Morkinskinna eru samkomustaðir í hverfinu, þar væri upplagt að setja einn af fjölmörgum bekkjum sem nú prýða Baldursgötutorgið. Þá geta þreyttir fætur hvílt sig og gestir á samkomustað tyllt sér.
13 aðilum fannst þetta gagnlegt.
|
|
|
Þetta er ekki spurning um að safna saman hundum í miðbæinn, einfaldlega að bjóða upp á aðstöðu fyrir þá hunda og hundaeigendur sem búa í miðbænum nú þegar. Það þurfa að vera hundagerði í öllum hverfum borgarinnar svo fólk þurfi ekki nauðsynlega að fara út fyrir sitt hverfi til að sinna þörfum hundsins. Fréttin sem Anna vísar í er auðvitað hræðileg, en gerðist í heimahúsi og hefur ekkert með hundagerði að gera. Það er ekki hægt að láta hunda hverfa með því að sleppa þjónustu við hundaeigeigendur.
12 aðilum fannst þetta gagnlegt.
|
|
|
Það vantar tilfinnanlega fleiri útivstarsvæði þar sem hundaeigendur geta lofað hundunum sínum að hlaupa frjálsir án þess að brjóta reglur. Hundaeigendum miðsvæðis sem kjósa bíllausan lífsstíl eru öll sund lokuð. Það ættu að vera afmörkuð svæði, td í Öskjuhlíð, við Ægissíðu, í Hljómskálagarðinum, úti á Grandagarði etc, þar sem hundar mættu spretta úr spori og hittast. Hundahald leyfilegt í borginni og hundaeigendur borga skráningar- og ársgjöld til að fá að halda hunda.
13 aðilum fannst þetta gagnlegt, 1 fannst það ekki.
|
|
|
Almenningsbekki vantar víða. Í mörgum borgum erlendis má hvíla lúin bein á bekkjum sem borgarar hafa gefið í minningu ástvina. Litlir skildir eru festir á þá með nafni hins látna. Best er að borgin efni til samkeppni um útlit þessara bekkja og þeir séu staðsettir í samráði við fagaðila. Með þessu vinnst tvennt: Að fjölga almenningsbekkjum og minnast ástvina sem byggðu þessa borg.
10 aðilum fannst þetta gagnlegt.
|
|
|
Í Reykjavík þarf maður að fara í Endurvinnsluna eða á gámastöðvar til að skila flöskum og dósum til endurvinnslu og nýtingar. Þetta er bagalegt fyrirkomulag sem gerir ráð fyrir að maður hafi bíl til umráða. Í Danmörku (og víðar) hefur lengi verið hægt að koma frá sér flöskum og dósum í þar til gerða sjálfssala og fá kvittun fyrir til innlausnar á kassa. Þá er hægt að rölta með nokkrar umbúðir í einu, um leið og maður verslar í matinn. Borgin ætti að hafa frumkvæði að samstarfi um svona lausnir.
9 aðilum fannst þetta gagnlegt.
|
|
|
Klambratún er útivistarperla sem er allt of lítið notuð. Eins og er virðast hundaeigendur vera þeir sem nota túnið hvað mest. Víða erlendis eru hundagerði í almenningsgörðum, allt í sátt og samlyndi við aðra starfsemi í görðunum, því ekki eins í Reykjavík? Í Vínarborg eru 163 hundasvæði, samtals 1000km2 svæði (sjá tengil). Þar búa um 2.000.000 manna. Það væri svipað og að við hefðum 16 hundasvæði, samtals 100km2 svæði, á höfuðborgarsvæðinu. 1-2 hundasvæði er einfaldlega ekki ásættanlegt.
9 aðilum fannst þetta gagnlegt.
|
|
Það er vafasamt að "múta fólki" til að gera það sem rétt er. Gerið tunnurnar frekar svo algengar að það sé sjálfsagt að flokka rusl. Höfðið til siðferðis, ekki græðgi. Annars fer fólk að flokka illa í flokkunartunnurnar bara til að fá lækkun fasteignagjalda.
10 aðilum fannst þetta gagnlegt, 1 fannst það ekki.
|
|
|
Hundahald er afskaplega vanmetið af Íslendingum, en sannað hefur verið að hundar geta læknað fólk af þunglyndi og aukið vellíðan fólks verulega. Það er ekki af ástæðulausu að hundar eru notaðir við aðhlynningu á sjúkrastofnunum, elliheimilum og vistheimilum fyrir fólk sem þjáist af fötlun eða slíku.
Til að geta sinnt þörfum hunda sinna neyðast flestir borgarbúar til að eiga bíl því að ekki er hægt að sleppa þeim lausum í göngufæri við heimili þeirra og þeir eru ekki leyfðir í almenningssamgöngur
11 aðilum fannst þetta gagnlegt, 2 fannst það ekki.
|
|
|
Í vinnslu
hólfaskiptar ruslafötur í miðbæinn
Ég er borinn og barnfæddur Reykvíkingur en flutti til Akureyrar í vor. Hér er flokkað. Ég kom til Reykjavíkur fyrir skemmstu og ég verð að segja að það stuðaði mig verulega að sjá hversu lítið borgarbúar pæla í sorpinu sínu.
Það er svo einfalt að flokka - ef maður hefur rétta búnaðinn. Maður þarf að fá sér nokkra plastkassa með loki - ég keypti nokkra í Ikea á eitthvað um tíuþúsundkall. Nákvæmlega ekkert mál og þetta er í raunin!ni bara gaman. En mikið skelfilega notar maður mikið plast!
9 aðilum fannst þetta gagnlegt.
|
|
|
Það ætti að vera lítið mál að græja þetta. Hjónin í fiskbúðinni hafa komið fyrir stól inni í búðinni til að heldri viðskiptavinir geti kastað mæðinni. Skemmtilegra væri að hafa bekk fyrir utan þar sem fólk gæti notið sólarinnar auk þess sem enn meira líf væri sjáanlegt á þessu yndislega horni hjá þessari yndislegu búð.
8 aðilum fannst þetta gagnlegt.
|
|
Hundaeigendur greiða meira en 50 milljónir árlega í hundaleyfisgjöld. Það væri tilvalið að nota hluta af þeim pening í að setja upp hundagerði. Við hundaeigendur erum ekki að biðja um að nota almenna skattpeninga í þetta verkefni! Það ættu því allir að geta verið sáttir, hundaeigendur sem aðrir.
8 aðilum fannst þetta gagnlegt.
|
|
|
Í gangi hefur verið vísindaverkefni á vegum Landbúnaðarháskólans uppi við Hellisheiðarvirkjun með það að markmiði að lyng, fjalldrapi, mosi o.s.frv. nái fótfestu á röskuðum svæðum. Mér fyndist til fyrirtmyndar ef slíkur gróður væri á umferðareyjum í Reykjavík.
8 aðilum fannst þetta gagnlegt.
|
|
|
Á opnum svæðum borgarinnar er mjög kostnaðarrík túnrækt, það þarf að slá grasið reglulega og bera einhvern áburð á það, svo það líti sæmilega út. Með því að planta ýmsum trjátegundum, með amk 4-6m millibili, myndi með tíð og tíma vaxa bjart og sjálfbært (að mestu) skóglendi. Helst þyrfti að nota um 50- 150 cm háar plöntur, svokallaðar beðplöntur. Í stað grassins, mun vaxa meira af blómplöntum, gæti jafnvel leitt til minna frjós í umhverfinu. Skóglendi á að vera "normið", ekki túnrækt.
8 aðilum fannst þetta gagnlegt.
|
|
|
Það er í raun fáránlegt að það skuli vera nauðsynlegt að borga peninga til að endurvinna. Vissulega er 1000 kr á mánuði ekki mikill peningur, en það er eflaust nóg til að fá fátækan námsmann eða hvern sem er til að velta því vandlega fyrir sér. Hvatinn til að endurvinna þyrfti að vera þeim mun meiri. Svo er endurvinnsla verðmæta- og atvinnuskapandi svo vonandi yrði þetta arbært. Hins vegar þyrfti að kenna Íslendingum að endurvinna, en það er allt önnur saga.
8 aðilum fannst þetta gagnlegt.
|
|
|
Með því að planta grenitrjám eða/og öðrum barrtrjám, í þónokkru magni, nálægt helstu umferðaræðunum, myndi rykmengun stórminnka. Rykið leggst á nálar trjánna, og helst þar eða rignir svo niður í jarðveginn. Einnig getur trjágróður minnkað hljóðmengun þónokkuð, sérstaklega ef fara saman hljóðmanir og fremur hávaxinn og þéttur gróður.
7 aðilum fannst þetta gagnlegt.
|
|
|
Mér finnst skrítið að segja að hundagerði þoli illa aðra grenndarstarfsemi þar sem það virkar í öðrum borgum út um allan heim. Og það er ekkert hundagerði í Öskjuhlíð, það er löngu farið. Eins og er mega hundar bara vera lausir á einum stað í borginni og það er á Geirsnefi. Það er algjörlega óásættanlegt því hundar þurfa að fá að hreyfa sig og hitta aðra hunda lausir. En á sama tíma verða hundaeigendur að fylgja lögum og reglum og hafa hunda ávalt í taumi. Þetta stangast einfaldlega of mikið á!
7 aðilum fannst þetta gagnlegt.
|
|
|
Í sveitarfélögum út á landi sem hafa farið þessa leið hefur a.m.k. helmingi minna sorp verið urðað. Það er hægt að selja hluta af því sorpi sem er flokkað og kostnaður við urðun sorps lækkar. Óskiljanlegt að það sé ekki þegar byrjað að flokka sorp í Reykjavík. Tímabært að Reykjavík verði umhverfisvæn borg og að stuðlað verði að umhverfisvitund borgarbúa.
7 aðilum fannst þetta gagnlegt.
|
|
|
Bý í Laugardal og verð var við marga hundaeigendur og hunda í hverfinu. Fer oft með hvuttann minn í laugardalinn og stelst að leyfa hvutta að hlaupa frjálsum, gegn lögum jebbs. Enn staðurinn er illa nýttur og vel hægt að koma fyrir afgirtum garði fyrir hunda hverfisins til þess að leika sér og almenningur eflaust glaður að hafa þá innan girðingar.
Sem hundaeigandi myndi ég leggja metnað í það að viðhalda slíkum stað og hreinsa og ég held að flestir hundaeigendur myndur gera hið sama.
9 aðilum fannst þetta gagnlegt, 2 fannst það ekki.
|
|
|
Akureyrar bær hefur núþegar hafið flokkun alls soprs heimila og hafa bæjarbúar og sveitungar tekið góðan þátt í þessu átaki. Reykjarvíkur borg ætti að mínu mati að taka af skarið líka í flokkun sorps heimilanna.
Munurinn liggur í því að þegar allt rusl er heimilanna er tekið í einum haug úr ruslatunnum heimilana er einungis hægt að urða sorpið. Ef heimilin myndu flokka sitt sorp sjálf væri hægt að endurnýta meirihluta sorps heimilanna.
Linkur fylgir með sem innheldur áhugaverðar staðreyndir
7 aðilum fannst þetta gagnlegt.
|
|
|
Þar sem ég bjó í Danmörku voru fallegir garðar sem fjölskyldurnar gátu farið með börnin sín um helgar og aðra frídaga. Sumir komu með "Picnic" aðrir bara slökuðu á meðan börnin léku sér í leiktækjum. Svo er bara gaman að ganga eða hlaupa í gegnum svona garða.
7 aðilum fannst þetta gagnlegt.
|
|
|
Það eru mikil verðmæti í sorpi sem hægt er að nýta í stað þess að urða það. Flokkun á sorpi skapar atvinnu og tekjur sem hugsanlega gætu staðið undir rekstrinum.
7 aðilum fannst þetta gagnlegt.
|
|
|
Í vinnslu
hólfaskiptar ruslafötur í miðbæinn
Var á Ítalíu á dögunum og sá mér til mikillar ánægju að víða á opinberum stöðum voru komnir 4 hólfa rusladallar. Mismunandi litir fyrir mismunandi flokka, en einnig góðar merkingar. Þetta er til mikillar fyrirmyndar. Þetta er mjög umhugsunarvert, ekki síst í ljósi þess að S-Evrópa hefur nú oftast verið á eftir Norðurálfunni í þessum efnum. Þannig að.. Fyrst Ítalir geta þetta, þá...
6 aðilum fannst þetta gagnlegt.
|
|
|
Í vinnslu
Grenndargáma á fleiri staði
Ég hafði einu sinni samband við Sorpu og spurði hvers vegna grenndargámar væru ekki á fleiri stöðum. Þeir sögðu að það væri í höndum sveitarfélaganna að biðja um grenndargáma og útvega pláss fyrir þá. Í dag eru grenndargámar á 54 stöðum í Reykjavík, það merkir að hver stöð þjónar að meðaltali um 2200 manns. Þá má reikna út að ein grenndarstöð sé á hverjum 5 ferkílómetrum, sem er svæði með 1260 metra radíus. Í stuttu máli: Það er of langt á milli grenndarstöðva.
7 aðilum fannst þetta gagnlegt, 1 fannst það ekki.
|
|
|
Þetta er góð hugmynd en því miður sé ég ekki hvernig á að framkvæma hana. Hvernig á að fylgjast með hverjir flokka og hverjir ekki. Fá allir afslátt í fjölbýlishúsi ef einn flokkar sorp en aðrir ekki. Hvernig ætlaru að vita hver flokkar og hver ekki. Til að hægt sé að styðja hugmydina þá þarf að vera hugmynd að útfærslu sem virkar og er raunhæf.
7 aðilum fannst þetta gagnlegt, 1 fannst það ekki.
|
|
|
Google Translate þýðing á efni
|
Að taka þátt er auðvelt og skemmtilegt. Skráðu þig inn og veldu hvaða hugmyndir þú styður. Því fleiri sem styðja hugmynd, því hærra rís hún.
