Augnablik
hleð...
|
|
|
Á undanförnum árum hefur heilbrigðisástandi útigangsfólks; drykkjufólks og annarra fíkla hrakað. Síðasta vetur urðu nokkrir úti á götum borgarinnar. HIV grasserar meðal sprautunotenda og veikari og veikari einstaklingar leita til heilbrigðisþjónustunnar. Útskúfun þessa fólks úr mannlegu félagi er alvarlegt mannréttindabrot. Nauðsynlegt er að koma upp neyðarskýlum fyrir fólk sem ekki er tilbúið til að hætta neyslu og veita því eðlilega heilbrigðis- og sálfræðiþjónustu, án kröfu um bindindi.
38 aðilum fannst þetta gagnlegt.
|
|
Var hann nokkuð að tala um að setja réttindi hunda ofar mönnum - ég held ekki. Lausaganga hunda er bönnuð og enginn að tala um að breyta því. Held hins vegar að það sé bara gott að hafa gerði fyrir hunda víðar þar sem hundaeigendur geta sleppt hundunum sínum á öruggu afgirtu svæði - t.d. á Miklatúni, Elliðaárdalnum, Laugardalnum og í Hljómskálagarðinum. Það væri bara gaman.
23 aðilum fannst þetta gagnlegt, 1 fannst það ekki.
|
|
|
Gamalt máltæki segir að of seint sé að iðrast eftir dauðann. Það er lítil stoð í harmagráti eftir að útigangsfólk og vímuefnasjúklingar eru látnir á götunni. Forsenda betra lífs er að halda lífi og siðuðu samfélagi ber skylda til að styðja fólk til sjálfshjálpar og sjálfsvirðingar. "Low threshold" úrræði; skjólshús þar sem veitt er hreinlætisaðstaða, heilsugæsla og húsaskjól fyrir fólk í neyslu eru skref í átt að frekari bata. Útskúfun er banvæn samfélagspólitík. Reynsla síðustu ára sannar það.
16 aðilum fannst þetta gagnlegt.
|
|
|
Mannréttindi eru allra, en sumir þurfa stuðning og vernd til að nýta sér þau, eða ekki láta á þau ganga. VIð eigum að búa til margbreytileg úrræði, sem geta breyst, allt eftir ástandi þessa hóps og við eigum að þora að breyta og hugsa nýja hugsun, búa til úrræði, skoða það sem er gert annarsstaðar og vinna náið með mannúðarsamtökum. Þá getur okkur farnast vel.
14 aðilum fannst þetta gagnlegt.
|
|
|
Að undanförnu hefur talsverð umræða verið um vanda ungmenna, ekki síst ungra stúlkna, í neyslu. Núna er staðan sú að þessi ungmenni eiga einna helst höfði að halla hjá eldri vímuefnasjúklingum. Það er að sjálfsögðu óverjandi ástand. Fyrir allmörgum árum rak Rauði krossinn griðastað fyrir ungmenni, Rauðakrosshúsið. Þangað gátu húsvillt ungmenni leitað eftir húsaskjóli og stuðningi. "Þið eruð einu vinir mínir, fyrir utan fíklana" skrifaði einn strákurinn í gestabókina. Endurvekjum þessa þjónustu.
13 aðilum fannst þetta gagnlegt.
|
|
|
Víða erlendis er starfrækt "drop-in" heilsugæsla í nærumhverfi útigangsfólks og einst. sem nota sprautubúnað. Opnunartími og þjónusta er miðuð við þarfir jaðarhópanna og er tengd við aðra nærþjónustu sem þau þurfa eins og t.d. mat, húsaskjól, þvottaaðstöðu osfrv. Rannsóknir sýna að slíkir staðir auka líkurnar á að þjónustuþegar haldi lífi, viðhaldi heilsu eða efli heilsufar. En það eru grundvallar mannréttindi að allir hafi aðgang að slíkri heilbrigðisþjónustu.
10 aðilum fannst þetta gagnlegt.
|
|
|
Á heimasíðu Gídeonfélagsins segir: "Markmið starfsins er að ávinna menn og konur fyrir Drottinn Jesú Krist. Dreifing Heilagrar ritningar og einstakra hluta hennar er aðferð til að ná því marki." Það er því ljóst að dreifing þeirra á NT í skólum er trúboð og trúboð á ekki heima í skólum.
8 aðilum fannst þetta gagnlegt.
|
|
|
Ég er líka hræddur við hunda (næstum því fóbía), en mér finnst hugmyndin um fólk og dýr búandi saman svo skemmtileg að ég læt mig bara hafa það, og finnst ekkert til of mikils ætlast af mér þar.
Þó er mikilvægt að hundaeigendur átti sig á því að aðrir geta ekki treyst hundum þeirra jafn mikið og þeir sjálfir. Því ber þeim að vera í bandi nema á tilteknum, merktum svæðum. En það er sjálfsagt að taka tillit til hundaeigenda og hunda þeirra samt sem áður.
8 aðilum fannst þetta gagnlegt.
|
|
|
Mér finnst þessi tillaga eiginlega ekki um neitt, eða í það minnsta alltof óskýr. Hún virðist virðist fela í sér einhverja óljósa óbeit í garð hunda. Hvað er átt við með henni? Ef þetta hefur eitthvað með hundahald að gera þá að bara að segja það beint út og skýrt. Þessi tillaga virðist ekki vera um neitt. Bendi á að það eru manneskjur sem halda hunda og það er hluti af þeirra þörfum að þeir vilja eiga hunda. Hundar eru mannbætandi sé vel um þá hugsað.
7 aðilum fannst þetta gagnlegt.
|
|
|
Opinberir skólar í veraldlegu samfélagi eru frísvæði fyrir börn foreldra með mismunandi lífsskoðun. Foreldrar verða að treysta því að ekki sé brotið á rétti þeirra að ala börn sín í eigin lífsskoðun. Þeir sem vilja stunda trúboð eru frjálsir að gera það annars staðar t.d í kirkjum. Trúboð samrýmist ekki lýðræðislegu samfélagi heldur þar sem trúræði ríkir s.s. í íslömskum ríkjum. VIð viljum ekki fara þá leið heldur hafa hér opið og fjölbreytt samfélag sem rúmar allar lífsskoðanir.
6 aðilum fannst þetta gagnlegt.
|
|
|
Afgreitt
Tryggja aðgang að netinu fyrir alla
Tryggja að atvinnulausir og þeir sem eru fátækir geti haft góðan aðgang að netinu, helst heima hjá sér en að minnsta kosti í gegnum bókasöfn og aðra vettvanga borgarinnar. Námskeið í notkun netsins í atvinnuleit væri líka sniðugt.
5 aðilum fannst þetta gagnlegt.
|
|
|
á móti
Flytjum málleysingja
Þessi tillaga er annaðhvort lélegt grín eða brjóstumkennanleg tilraun til að hvetja fólk til mismununar. Hvernig sem á það er litið þá hef ég tilkynnt þetta.
5 aðilum fannst þetta gagnlegt.
|
|
|
Auðvitað er ekki verið að setja réttindi hunda ofar réttindum manna. Við hundaeigendur verðum að sjálfsögðu að taka tillit til þeirra sem eru hræddir við hunda, og fara eftir reglum um taumskyldu. En að sama skapi verður að koma til móts við hundaeigendur og sjá til þess að við höfum hundagerði þar sem við getum sleppt hundunum án þess að það ónáði aðra. Það hlýtur að vera besta lausnin fyrir alla!
5 aðilum fannst þetta gagnlegt.
|
|
|
Þakka Arnaldi Mána ný rök - að embætti umboðsmanns utangarðsfólks verði endurvakið. Ég tel það gagnleg rök. Ég tel þó árangursríkara að stofna og styrkja sjálfstæð samtök utangarðsfólks, fíkla og aðstandenda þeirra - og þau samtök fái sömu stöðu gagnvart borg og ríki eins og önnur sjúklingasamtök. Þetta tíðkast víða erlendis og hefur skilað góðum árangri. Við eigum að hætta að tala "um" þennan hóp og "yfir" hann - við eigum að styðja hann til ábyrgðar á eigin lífi og hlusta á hann, án fordóma.
7 aðilum fannst þetta gagnlegt.
|
|
|
Það virðist gleymast oft í umræðunni að fíklar og utangarðsfólk er líka fólk og mér finnst að Reykjavíkurborg hafi skyldur gagnvart öllum íbúum sínum ekki bara sumum.
5 aðilum fannst þetta gagnlegt.
|
|
|
Til eru fjölmörg trúarrit og sérstakar túlkanir á þeim. Þá eru einnig til rit sem lýsa veraldlegum lífsskoðunum. Allar þessar lífsskoðanir eru í vissri samkeppni í einkageira samfélagsins, rétt eins og stjórnmálaskoðanir. Í skólum á að kenna um þessar skoðanir með faglegri nálgun kennaranna, en ekki að hampa einu félagi eða flokki með því að leyfa sérstaka dreifingu trúarrits þess, óháð sögu þess með þjóðinni. Í öðru lagi eru trúarrit líkt og stefnuskrár stjórnmálaflokka ekki barnaefni.
4 aðilum fannst þetta gagnlegt.
|
|
|
Ég styð það hér að lokum að þetta mál sé ekki aðeins flokkað sem mannréttindamál (sem færi þá fyrir mannréttindanefnd borgarinnar) heldur sem Velferðarmál einnig því að stuðningurinn við tillöguna þarf að heyrast inn á borði Velferðarráðs og jafnvel undir málaflokknum Miðborgin líka. Ég geri ráð fyrir því að Velferðarráð sé hæfasti aðilinn til að takast á við að vinna úr hugmyndinni um að auka framboð skaðaminnkandi úrræða í Reykjavík. Málið snýst um sjálfræði og reisn - en líka um velferðina!
4 aðilum fannst þetta gagnlegt.
|
|
|
Fóbíu ber að takast á við, ekki laga umhverfið að henni.
5 aðilum fannst þetta gagnlegt, 1 fannst það ekki.
|
|
|
Það er mikið áhyggjuefni hvað HIV smituðum hefur fjölgað ískyggilega og sú fjölgun er mest í hópi sprautufíkla. Ég tel að virkari heilbrigðisþjónusta, m.a. þjónusta sem gerir fíklum auðveldara að nálgast sprautur ókeypis gæti verið liður í að sporna gegn þessari þróun. Ég veit að þessi þjónusta er þegar veitt en hana þarf greinilega auka enn frekar miðað við þessa fjölgun smitaðra.
4 aðilum fannst þetta gagnlegt.
|
|
|
Þetta er hugmynd sem væri vert að skoða hjá frjálsum félagasamtökum. Mörg samtök fá styrki frá ríki og sveitarfélögum sem gætu m.a. nýst í ljósritunarkostnað við svona útgáfu.
3 aðilum fannst þetta gagnlegt.
|
|
|
Í vinnslu
Borgin reki áfram Konukot
Nýlega auglýsti borgin eftir rekstraraðila til að reka Konukot: http://www.mbl.is/frettir/innlent/2011/10/25/auglyst_eftir_folki_til_ad_reka_konukot/. Konukot á að heyra undir velferðarsvið borgarinnar og jafnvel þó að Rauði krossinn sjái sér ekki fært um að útvega sjálfboðaliða til starfa þá ætti borgin að geta það með átaki eins og RK gerði um sjálfboðaliða. Konukot hefur fest sig í sessi fyrir konur sem eru án heimilis og eiga í fjölþættum vanda. Þetta á að heyra undir velferðarsvið.
3 aðilum fannst þetta gagnlegt.
|
|
|
Það er þjóðarskömm að vera á róli með pestarbælum Austur-Evrópu í smitvörnum meðal sprautufólks. Það er mannréttindabrot að nota ekki þrautreyndar leiðir skaðminnkunar til að verja verst stadda sjúklingahópinn gegn fyrirsjáanlegu HIV fári. Stjórnvöld kusu frekar að berja hópinn til hlýðni - það er áreiðanlega mannréttindabrot að ofsækja hóp fárveikra einstaklinga. Reykjavíkurborg ber hluta ábyrgðarinnar - borgin hafði forgöngu um að innleiða "zero tolerance" vinnubrögð og hugsun undir fána ECAD.
3 aðilum fannst þetta gagnlegt.
|
|
|
Ég legg til að Reykjavíkurborg lýsi því yfir að allt starf á hennar vegum er lýtur að börnum verði framkvæmt með hliðsjón af ákvæðum Barnasáttmálans. Hann hefur ekki lagagildi hér á landi en Ísland er bundið að þjóðarétti til að fara að ákvæðum hans og hefur lagasetning tekið mið af honum. Sáttmálann þarf að kynna betur börnum þjóðfélagsins, ekki síður af menntastofnunum en af Umboðsmanni barna. Hann mætti gjarnan setja inn í námsskrár grunnskóla og fella inn í kennslu. Allir ættu að þekkja BSSÞ
4 aðilum fannst þetta gagnlegt, 1 fannst það ekki.
|
|
|
Hlustið á skáldið. Skiljið freistingar næturinnar. Reykjavíkurnætur í den.
Við getum ekki reiknað með því að allir sukkarar séu séní eins og Megas.
Við getum hins vegar hlustað, hugsað og skilið ungt fólk sem heillast af hættum og töfrum næturinnar. Er ekki tími tilkominn að tengja?
4 aðilum fannst þetta gagnlegt.
|
|
|
Sérstaklega ber að fagna liðsinni Péturs á þessum vettvangi (og á DV.is) enda djarfur og framsýnn maður! Borgin getur stutt við félagsstarf hagsmunasamtaka - hópurinn (fíklar og utangarðsfólk) er þó þannig samansettur að oftast eru það aðstandendur þeirra sem mynda samtökin en ekki þeir sjálfir. Borgaryfirvöld stofna ekki slík samtök - aftur á móti þá geta þau bætt það starf sem þegar er. Úrræði fyrir eldri borgara í þessum hópi eru brýnt úrlausnarefni auk skaðaminnkunarinnar. Fögnum umræðum!
3 aðilum fannst þetta gagnlegt.
|
|
|
að gefa fólki sem ekki finnur sig í þessu fárveika samfélagsformi sem við lifum í (hér í umræðu kennt við útigang) möguleika á að byggja sér skýli sjálft og hafa garð þar í kring og þannig verða óháðara og kannski jafnvel bara í lagi og engum til ama. Semsagt að skapa frjálslega skipulagt vistvænt "flóttamannaþorp" einhverstaðar þar sem er nokkuð gott um pláss... held þetta gæti jafnvel verið lækning fyrir marga frá því þunglyndi sem "útigangandi" fólk býr við og er orsök þessa ástands í grunnin
2 aðilum fannst þetta gagnlegt.
|
|
|
í 1-2 ár, en ...
2 aðilum fannst þetta gagnlegt.
|
|
|
Legg til að vefurinn Betri Reykjavík, hugmyndirnar sem þar koma fram í hverjum mánuði, framgangur og ferli þeirra geti verið meginefni blaðs eins og þessa til móts við efni sem ábyrg ritstjórn velur - sem varpar ljósi á málaflokk utangarðsfólks, reynslusögur þeirra o.s.frv. - eins og tíðkast í öðrum löndum. Vek athygli að Samhjálparblaðið er til en hefur ekki hlotið dreifingu á þessum forsendum. Kannski því að markaður fyrir "utangarðsblað" eingöngu er ekki nægilega stór í fríblaðalandinu?
2 aðilum fannst þetta gagnlegt.
|
|
|
Það sárlega vantar gagnvirkan hugmyndavef á borð við betrireykjavik.is. Með því að búa til nýjan vef sem er byggður á sömu hugmyndafræði og betrireykjavik.is gæti öll þjóðin sest við sama borð. Miðað við þá peningaupphæð sem lagt hefur verið í að koma íslensku þjóðinni á framfæri við stjórnvöld er framkvæmd er þessi hugmynd aðeins brot af þeim kostnaðir. S.b. stjórnlagaráð og þjóðfundinn sem kostuðu okkur skildinginn. BetraÍsland.is myndi fara eftir sömu leikreglum og betrireykjavik.is
2 aðilum fannst þetta gagnlegt.
|
|
|
Það er orðið asnaleg að fullornir kallar séu að ota skoðunum sinum að 10 ára börnum í opinberum skólum . þeir verða að endurskoða sig og synar aðferðir til trúboðs .
2 aðilum fannst þetta gagnlegt.
|
|
|
Google Translate þýðing á efni
|
Að taka þátt er auðvelt og skemmtilegt. Skráðu þig inn og veldu hvaða hugmyndir þú styður. Því fleiri sem styðja hugmynd, því hærra rís hún.
