Augnablik
hleð...
|
|
|
Afgreitt
Stækka Klifurhúsið !
Klifurfélag Reykjavíkur hefur rekið Klifurhúsið undanfarin 10 ár og rutt brautina fyrir klifuríþróttina á Íslandi. Aðsókn hefur að sjálfsögðu vaxið með hverju árinu en húsið ekki, svo félagið hefur neyðst til að takmarka aðgang öryggisins vegna og gæti þurft að gera enn frekar, sem heftir og skerðir þjónustu. Með stærra húsnæði gæti félagið vaxið áfram og stutt við klifuríþróttina sem er fyrir alla, ásamt því að bjóða uppá bestu æfingarstöðu innanhús í grjótglímu og línuklifri. Heyr Heyr !
Uppruni: http://www.klifurhusid.is
104 aðilum fannst þetta gagnlegt.
|
|
|
Afgreitt
Stækka Klifurhúsið !
Rannsóknir sýna að umhyggja, aðhald og eftirlit foreldra er einn mikilvægasti þátturinn í að börn velji heilbrigðan lífsstíl. Samverustundir foreldra og barna eru ennfremur mjög mikilvægar. Klifur er íþrótt sem opnar fyrir þátttöku allrar fjölskyldunnar, hlið við hlið. Allir geta klifrað hlið við hlið, mismunandi erfiðar leiðir, eftir getu hverju sinni. Frábært tækifæri fyrir fjölskyldur til að upplifa skemmtilegar og heilsusamlegar stundir saman.
28 aðilum fannst þetta gagnlegt.
|
|
|
Afgreitt
Stækka Klifurhúsið !
Við iðkun klifurs geta ungir, gamlir, færir og byrjendur; - stelpur og strákar, klifrað hlið við hlið. Við iðkunina þurfa klifurfélagar að treysta á hvorn annan með tryggingar og leiðbeiningar. Við þetta skapast öflugt félagslegt umhverfi þar sem ríkir mikið traust og velvild milli iðkenda. Iðkendur keppa við sjálfan sig í stað hvor við annan. Íþróttin gengur út á að þjálfa upp getu þar sem ríkir jafnvægi milli þyngdar, styrks og liðleika og höfðar hún þess vegna til breiðs hóps iðkenda.
27 aðilum fannst þetta gagnlegt.
|
|
|
Borgarbanki getur tekið lán hjá Seðlabankanum á stýrivöxtum sem borgarsjóður notar svo til að borga upp dýrari lán borgarinnar og fyrirtækja hennar. Borgin sparar sér vaxtamuninn að frádregnum kostnaði við rekstur bankans. 1% vaxtalækkun getur sparað milljarða.
Vandamálið sem Borgarbanki leysir er að borgarsjóður má ekki taka lán í Seðlabankanum. Þar sem reglur Seðlabankans hygla fjármálafyrirtækjum er lausnin sú að borgin stofni fjármálafyrirtæki, Borgarbankann, sem hyglar borgarbúum.
25 aðilum fannst þetta gagnlegt, 1 fannst það ekki.
|
|
|
Afgreitt
Stækka Klifurhúsið !
Hefðbundnar íþróttir eins og handbolti, fótbolti, körfubolti o.fl. njóta styrkja og velvilja opinberra aðila, m.a. í mannvirkjagerð. Þær íþróttir henta ekki öllum en margir hafa fundið sig í klifri. Það er ákveðinn skortur á jafnræði meðal þegnanna ef valið á góðum kostum til heilsuræktar og tómstundastarfa er takmarkað með slíkum hætti.
23 aðilum fannst þetta gagnlegt.
|
|
|
Afgreitt
Stækka Klifurhúsið !
Klifurhúsið þarf nýtt húsnæði til þess að geta annað allri aukningunni sem hefur verið í klifri síðustu ár.
Uppruni: http://www.klifur.is
21 aðilum fannst þetta gagnlegt.
|
|
|
Þeir sem vinna á kvöldin, eiga ekki möguleika á að nýta sér þjónustu SVR þar sem vagnar hætta að ganga upp úr kl. 22.
19 aðilum fannst þetta gagnlegt.
|
|
|
Í vinnslu
Hjólagrindur
Með aukinni hjólaumferð þarf fleiri hjólagrindur á fjölfarna staði, t.d. í miðbæinn og við verslunarmiðstöðvar. Það eru t.d. fáir staðir í miðbænum til að skilja hjól eftir nema þá einna helst að læsa þeim við næsta ljósastaur.
19 aðilum fannst þetta gagnlegt.
|
|
|
Afgreitt
Stækka Klifurhúsið !
Klifur er frábæ afþreying sem ræktar jafnframt líkama og sál. Þetta er mikil erfiðis íþrótt en heldur fólki samt sem áður áhugasömu og uppteknu. Málið er einfaldlega þannig að húsið er orðið of lítið fyrir þessa ört vaxandi aðsókn í húsið. Þegar orðið er þröngt í húsinu eykst mikið hættan á slysum þar sem fólk einfaldlega fylgist ekki nógu grant með öðrum klifrurum og geta þá farið undir ef klifrarinn dettur. Þó er ekki mikið um svona slys en með opnara umhverfi er auðveldara að sjá klifrarana.
18 aðilum fannst þetta gagnlegt.
|
|
Veggjakrot er mikið lýti í borginni. Eigur borgar og almennings eru ítrekað skemmdar og kostnaður við hreinsun er gríðarmikill. Ná til ungra krotara með því að bjóða þeim í vinnustofur þar sem reyndir vegglistamenn kenna réttu handtökin. Uppfræða unga listamenn um það hversu dýrt er að hreinsa veggjakrot af. Jafnframt væri hægt að útvega aðstöðu þar sem slíkt athæfi væri leyfilegt. Hluti af verkefninu er að fá unga vegglistamenn til samstarfs um að mála og lagfæra skemmdir vegna veggjakrots.
18 aðilum fannst þetta gagnlegt, 1 fannst það ekki.
|
|
|
Í vinnslu
Alvöru húsaleigukerfi í Reykjavík
Núverandi ástand á leigumarkaði er grafalvarlegt. Það er of dýrt að kaupa en það er ennþá dýrara að leigja. Margir íbúðaeigendur neyðast til að setja ofurprísa á leigu svo hún standi undir kostnaði. Aðrir leigusalar nýta sér ástandið og leggja himinn hátt á leiguverðið. Frjáls leigumarkaður hefur sýnt að hann gengur ekki upp. Nú þurfa sveitarfélög að stíga inn í og styðja við hálfopinbert leigukerfi þar sem leiga er á kostnaðarverði. Ég óska eftir umræðu. Ég óska eftir tillögum.
18 aðilum fannst þetta gagnlegt, 1 fannst það ekki.
|
|
Í vinnslu
Auglýsa leiðakerfið inn í strætisvögnum
Það væri gagnlegt ef inni í vögnum væru útprentanir sem sýndu leiðarkerfið, svipað því sem tíðkast í almenningssamgöngum margra helstu nágrannaríkja okkar, bæði leið viðkomandi vagns og yfirlitsmynd leiðakerfis. Eins og er, er engin leið til að fá svar við því hvar vagn stoppar eða hvar hægt er að skipta um vagn eftir að maður er lagður af stað, nema trufla vagnstjórann. Kostnaður er hverfandi: efnið er allt til, það þarf bara að prenta út og hengja upp.
Uppruni: http://www.straeto.is/leidakerfi/
16 aðilum fannst þetta gagnlegt.
|
|
|
Með breyttu veðurfari, hver svo sem ástæðan fyrir því er, er í dag kominn góður grunnur til þess að rækta ávaxtatré á Íslandi t.d. epla-, peru-, plómu- og kirsuberjatré.
Hægt er að skipuleggja ákveðin svæði inn í skógum sem eru í Reykjavík, Hljómskálagarðinum, Fjölskyldu- og Húsdýragarðinum og gætu komið í staðin fyrir þær aspir sem verið er að fella um þessar mundir.
Nemendur Landbúnaðarháskóla Íslands geta svo séð um að halda utan um og sjá til þess að ávaxtatré og runnar dafni.
15 aðilum fannst þetta gagnlegt.
|
|
|
Þegar verið er að leggja niður skólagarða hér, er verið að fjölga þeim alls staðar erlendis - börnin læra ræktun en líka virðingu fyrir matnum, og afraksturinn getur verið notaður í mötuneytin til að lækka kostnaðinn en líka til að gefa skólabörnum betri fæði. Þetta er kostnaðarlítil aðgerð með miklum áhrifum.
14 aðilum fannst þetta gagnlegt.
|
|
|
Í vinnslu
Hjólagrindur
Fleiri hjólagrindur væru skýr og góð skilaboð borgaryfirvalda til þeirra sem kjósa að nota reiðhjólið sem samgöngutæki.
Hjólagrindur þurfa að vera við alla skóla og leikskóla og hjá öllum stofnunum borgarinnar. Einnig þyrfti að koma hjólagrindum fyrir í bílastæðahúsum borgarinnar.
14 aðilum fannst þetta gagnlegt.
|
|
|
TIl að auka vegferð hjólreiða sem eru einn öruggasti, ódýrasti og skilvirkasti ferðamáti í borgarlandslagi mætti setja hjólavísa () á allar götur þar sem hámarkshraði er 50 km eða lægri.
Kostir:
-Hjólreiðamenn upplifa sig velkomna í umferðinni
-Ökumenn verða meðvitaðri um hjólreiðamenn
-Fleiri myndu velja reiðhjólið sem samgögnumáta (umhverfisvænt, ódýrt og heilbrigt)
13 aðilum fannst þetta gagnlegt.
|
|
|
Sérstaklega myndi muna um þennan tíma fyrir fólk í vaktavinnu. Það er nauðsynlegt svo fólk upplifi Strætó sem raunhæfan valkost. Ef maður þarf að kaupa bíl til að geta unnið er lítil ástæða til að nota hann þá ekki sem mest. Svo er miðstöð skemmtana og menningar í miðborginni þar sem strætósamgöngur eru einna bestar. Það ætti að vera sjálfsagt að fólk geti tekið strætó heim af tónleikum í Hörpu, úr leikhúsi eða kvikmyndahúsi, sérstaklega ef fólk er hvatt til að koma með öðrum leiðum.
13 aðilum fannst þetta gagnlegt.
|
|
|
Í vinnslu
Auglýsa leiðakerfið inn í strætisvögnum
Spurningin kom upp utan Betri Reykjavík hvort ekki væri gaman að leysa þetta með Android smáforriti eða annarri tæknilausn. Ég tel það að setja upp merkingar í vögnunum vera bæði ódýrari og betri lausn, þar sem hún gagnast strax öllum sem nota strætó, og sérstaklega ferðamönnum, þeim sem nota strætó ekki á hverjum degi og þeim sem ekki eiga snjallsíma. Ég nota skilti af þessu tagi mjög mikið þegar ég ferðast í erlendum stórborgum.
13 aðilum fannst þetta gagnlegt.
|
|
|
Það eru GPS tæki og fjarskiptabúnaður í öllum strætisvögnum núna. Það er búið að smíða demó forrit sem sýnir staðsetningu allra vagnanna á korti, uppfært á nokkurra sekúndna fresti. Það þyrfti mjög lítið til að gera þetta aðgengilegt almenningi, eina sem þarf er ákvörðun um það frá stjórnendum strætó.
13 aðilum fannst þetta gagnlegt.
|
|
|
Fylkisbanka módel Bank of North Dakota sem hefur virkað í 90 ár hefur tryggt að fylkið er ekki skuldugt og skilar hagnaði í bankakreppunni. Bankinn lánar til uppbyggingar í framleiðslugreinum í fylkinu. Fulltrúar frá bankanum sem ég talaði við eru tilbúnir að koma til Íslands og hjálpa til við uppsetningu Borgarbankans í Reykjavík.
13 aðilum fannst þetta gagnlegt.
|
|
á móti
Kaffihús á hjólum
Frábær hugmynd. Nú vantar bara að e-r framtakssamir einstaklingar hrindi þessu í framkvæmd. Finnst ekki að Rvk eigi að vera með kaffihúsarekstur og fara í raun í samkeppni við aðra. Hins vegar gæti verið hægt að hringja í viðkomandi og panta slíkt kaffihús sem myndi þá koma hjólandi.
14 aðilum fannst þetta gagnlegt, 1 fannst það ekki.
|
|
|
Nóg framboð er af námskeiðum fyrir börn undir 6 ára, í dans, fimleika, almennar íþróttir og fleira. Ekki eiga allir kost á að borga gjald þeirra og finnst mér sjálfsagt að frístundakortið verði gert aðgengilegt fyrir börn undir 6 ára. Aldrei of snemmt að byrja að hreyfa sig og frábært að öll börn fái tækifæri á að taka þátt í hreyfingu, bæði vegna heilsu og vegna félagsskaparins sem fylgir.
13 aðilum fannst þetta gagnlegt.
|
|
|
Í vinnslu
Opnunartíma sundstaða eins og hann var.
Í sumar var opnunartími sundlauga borgarinnar styttur í sparnaðarskyni. Sem dæmi þá er það svo að á LAUGARdögum loka allar laugar klukkan 17:00 - nema Laugardalslaug. Ég vil komast í kvöldsund í Vesturbæjarlauginni um helgar, það var hluti af mínu lífsmynstri. Ég held þetta hafi verið vond hugmynd og það sé góð hugmynd að breyta þessu aftur - niðurskurðarhnífnum á ekki að beita á sundlaugar, þær eru musteri líkama og sálar í Reykjavíkurborg.
13 aðilum fannst þetta gagnlegt.
|
|
|
Afgreitt
Næturstrædóar
Nokkrar valdar strætóleiðir gangi allan sólarhringinn, t.d. S-leiðirnar, annað hvort alla daga eða þá bara um helgar. Eftir miðnætti myndi kosta aðeins meira í strætó heldur en vanalega, e.t.v. 500-700 kr farið. Þar sem þetta er ódýrara en að taka leigubíl myndi Reykjavíkurborg ábyggilega hagnast á þessu eins og íbúar höfuðborgarsvæðisins.
12 aðilum fannst þetta gagnlegt.
|
|
|
Í vinnslu
Fleiri greiðslumöguleikar í Strætó
Útfærsla á áskriftarkortum Strætó gæti verið á þann veg að fólk kaupi kort eins og nú er eða kort sem hafa að geyma fyrirfram ákveðinn fjölda ferða. Slík kort væri svo hægt að fylla á með skafkortum, í heimabanka o.s.frv. Þarf ekki að vera dýrt í framkvæmd. Enn fremur væri um leið hægt að gera það að verkum að hægt væri að greiða með örgjörvagreiðslukortum fyrir stakt fargjald.
15 aðilum fannst þetta gagnlegt, 3 fannst það ekki.
|
|
|
Í vinnslu
Alvöru húsaleigukerfi í Reykjavík
Sammála hugmyndinni. Það er borgarstjórn líka. 2.11.2010 samþykkti hún tillögu meirihlustans um að gerð yrði húsnæðisstefna og þróað húsaleigukerfi í borginni. Nú er að athuga hversu langt sú vinna er komin og þrýsta á að þróun í átt til fjölbreyttara húsnæðiskerfis verði að veruleika.
12 aðilum fannst þetta gagnlegt.
|
|
|
Sporvagnar eru nokkur hundruð ára samgönguhugmynd og tímaskekkja. Þeir eru óhentugir á alla vegu, og síðast en ekki síst fokdýrir. Sporvagn fer hægt yfir, ekki má breyta leiðakerfinu eftirá, né stækka það svo glatt, og ef vagn bilar eða óhapp verður á teinunum er allt stopp. Lagningarkostnaðurinn getur verið allt að 7.5 milljarðar (!) á km. Fyrir þá upphæð (aðeins 1 km) væri hægt að hafa ofurfyrirsætu í hverjum strætisvagni sem gæfi farþegum ókeypis að drekka franskt eðalkampavín -í áratugi.
13 aðilum fannst þetta gagnlegt, 1 fannst það ekki.
|
|
|
Börnin þurfa að læra að vinna með tölvunni en ekki bara vinna á hana. Eitt af því sem börn gera best er að læra tungumál og forritun = samskipti manns og tölvu á því tungumáli sem báðir skilja. Hefjum kennslu í forritun á fyrsta stigi grunnskóla þar sem hæfileikinn til að læra ný tungumál byrjar að minnka um 12 ára aldur. Við værum ekki einungis að kenna forritun heldur gefa kennurum og nemendum færi á að útvíkka kennsluaðferðir og nýta forritunarþekkinguna til að leysa verkefni í öðrum greinum.
Uppruni: http://www.skema.is
12 aðilum fannst þetta gagnlegt.
|
|
|
Götur eru einstefnu vegna þess að þær eru ekki nógu breiðar fyrir bíla til að mætast. Reiðhjól geta vel mæst en samt er ólöglegt fyrir þau að fara í báðar áttir. Með skilti "Nema reiðhjól" undir bannmerkinu er búið að gera tvístefnu hjóla löglega og sýna um leið að hjólreiðar eru velkomnar í Reykjavík.
Á vefsíðunni má sjá svona skilti í Frakklandi:
https://picasaweb.google.com/103070871140047710631/20070915#5110402734576796562
11 aðilum fannst þetta gagnlegt.
|
|
|
Í raun er ég ekki á móti Andreu en vil meina að það sé talsverð kennsla um önnur trúarbrögð í skólum. Nemendur fara a.m.k. tvisvar í grunnskóla í gegnum stóru heimstrúarbrögðin og einu sinni í gegnum grunnhugmyndir trúarbragða og sögu.
Ég er á móti því að hafa tvöfalt prógram, kristnir og aðrir.
11 aðilum fannst þetta gagnlegt.
|
|
|
Google Translate þýðing á efni
|
Að taka þátt er auðvelt og skemmtilegt. Skráðu þig inn og veldu hvaða hugmyndir þú styður. Því fleiri sem styðja hugmynd, því hærra rís hún.
