Augnablik
hleð...
|
|
|
Afgreitt
Endurbætum Ingólfstorg án risahótels
Risahótel við Ingólfstorg, þar sem fyrir er annað stórt hótel og enn fleiri í næsta nágrenni væri umhverfisslys í elsta kjarna borgarinnar.Í samkeppni sem er að hefjast er gert ráð fyrir því að risahótel rísi við sunnanvert torgið. Núna mynda gömul hús heild á þrjá vegu við torgið og þá mynd ber að virða óbreytta, skerða hvergi birtumagn en skapa meiri sólaraðstöðu í framhaldi af Fálkahúsinu. Ingólfstorg er dýrmætt almannarými sem á ekki að taka mið af hagsmunum fjármagnsins heldur fólksins.
20 aðilum fannst þetta gagnlegt, 1 fannst það ekki.
|
|
|
Garðurinn við Vesturbæjarlaugina er lúmskt stór og synd að hann er ekki mikið nýttur. Í tengslum við eflingu Hofsvallagötu væri hægt að gera meira úr þessum garði til að efla þetta svæði sem miðpunkt Vesturbæjarins. Þarna væri hægt að koma fyrir púttvelli, tennisvelli, sparkvelli eða öðrum íþróttavöllum. Auk þess þarf ekki að kosta miklu til að gera þetta að "piknikk" garði Vesturbæinga, útbúa einfalda en skemmtilega aðstöðu til að borða nesti eftir góða sundferð.
16 aðilum fannst þetta gagnlegt.
|
|
|
Ýmsar leiðir eru til að mynda gott skjól með skynsamlegri uppstillingu á götum, húsum, trjágróðri o.s.frv. Við Íslendingar eigum sérfræðinga í þessum málum en nýtum þá engan vegin innan borgarkerfisins! Oft þarf ekki mikið að gera til að gerbylta svæði sem sífellt rok er á – yfir í skjólgott og heitt svæði með allt önnur einkenni.
Af hverju ekki að slá tvær flugur í einu höggi, grjóðursetja tré á skynsaman hátt víðsvegar um borgina – mynda þannig skjól og um leið fegra umhverfið til muna.
11 aðilum fannst þetta gagnlegt.
|
|
|
Auðvitað ættum við að bjóða upp svona fínt Amsterdam/Nyhavn hverfi þarna með bátasiglingar milli Nauthólsvíkur og Tjarnarinnar.
Byggja upp 3-4 hæða þétta og blandaða byggð fyrir þá sem hafa áhuga á bíllausum lífstíl.
Í Barcelona var fyrsta hæðin tekin frá fyrir verslun og göturnar hafðar breiðar. Okkur vantar eitthvað svona gott plan.
Það er líka blóðugt að sjá bílastæðaflæmið við Háskólana tvo. Þarna ættu að vera blómstrandi stúdentagarðar.
14 aðilum fannst þetta gagnlegt, 3 fannst það ekki.
|
|
|
Reykjavík er ein dreifbýlasta höfuðborg Vesturlanda. Flutningur flugvallarins úr Vatnsmýri er grundvallaratriði í þéttingu byggðar til lengri tíma litið, en þéttari byggð er t.a.m. æskileg sem liður í því að minnka bílaumferð og til að almenningssamgöngur og hjólreiðar geti orðið skilvirkari ferðamátar. Finna mætti flugvelli annan stað í nágrenni borgarinnar ef þess þykir þörf, eða leggja hraðlest til Keflavíkur.
15 aðilum fannst þetta gagnlegt, 5 fannst það ekki.
|
|
|
Með því að samþykkja hótelbyggingu við Ingólfstorg eru yfirvöld að eyðileggja síðasta góða tónleikahúsið í Reykjavík sem rúmar milli 500 og 800 manns. Með auknu tónleikahaldi og fjölbreyttari tónlist þurfum við í raun fleiri hús á borð við NASA í Reykjavík. Komum í veg fyrir þetta stórslys!
10 aðilum fannst þetta gagnlegt.
|
|
|
Afgreitt
Endurbætum Ingólfstorg án risahótels
Að því mér sýnist er alveg kappnóg af risahótelum í og við miðbæjarsvæðið. Það er algerlega óásættanlegt að fórna ítrekað og sí og æ almannarými fyrir hótel og lunda/ísbjarnabúðir.
Það er vel hægt að endurbæta þessi svæði án þess að hola niður risahótelum út um allt og það ber vott um fádæma hugmyndaleysi að horfa til hótelbygginga sem patentlausna á skipulagsvanda. Þau skapa enn fleiri vandamál en þau "leysa".
Verktakaræðið bjó til Borgartúnið og Höfðatorg. Er ekki komið nóg af verktakasleik?
9 aðilum fannst þetta gagnlegt.
|
|
|
Mig langar að sjá nýja göngubrú yfir Bugðu, svo hægt sé að gera gönguleið sem er í hring, það er svo hægt sé að ganga frá Norðlingaholti yfir í Rauðhóla/Heiðmörk og svo aftur til baka yfir aðra brú en sú sem fyrir er. Þannig verður hægt að ganga yfir í Rauðhóla á einum stað og svo aftur til baka á öðrum stað. Þetta myndi skapa enn meiri útivistarmöguleika í Norðlingaholti og tengja betur holtið við Rauðhóla. Brúin gæti komið upp við Hólmvað, og göngustígur þar yfir í Heiðmörk/Rauðhóla.
9 aðilum fannst þetta gagnlegt.
|
|
|
Afgreitt
Laugarvegur göngugata alla daga !!!
Borghildur mældi þetta. Tölurnar tala sínu máli:
9 aðilum fannst þetta gagnlegt.
|
|
|
Afgreitt
Laugarvegur göngugata alla daga !!!
Það var ekkert alltaf gott veður þarna í júlí, en það var alltaf fullt af fólki á og við Laugaveginn, alla dagana (ég bý rétt hjá og fylgdist vel með). Þar fyrir utan eru langt frá því allir sem keyra Laugaveginn á leið í búðir þar. Má endilega prófa að gera götuna að göngugötu á "verri" tíma en miðju sumri.
10 aðilum fannst þetta gagnlegt, 1 fannst það ekki.
|
|
|
Húsið er kallað Sigtún meðal eldri borgara, jafnvel Sjálfstæðishúsið. Það er lítil sál fólgin í framhliðinni eingöngu og breytingar sem verða á Ingólfstorgi eru gríðarlegar, kalla á aukna umferð stórra bíla um Aðalstrætið.
8 aðilum fannst þetta gagnlegt.
|
|
|
Afgreitt
Laugarvegur göngugata alla daga !!!
Þetta fjallar ekki um að banna umferð. Gangandi umferð er líka umferð.
9 aðilum fannst þetta gagnlegt, 1 fannst það ekki.
|
|
|
Síðan að húsin voru rifi niður,hefur þessi reitur verið ein ruslahaugur.Þetta er nú nokkuð stór lóð. Hvernig væri að Reykjavíkurborg myndi nú gera einhvað í þessum reit.Ekki bara fyrir íbúðaeigendur í kring,sem hafa þurt að horfa á þetta vessna og vessna. Heldur fyrir fólkið í Reykjavík.Hlemmur Plús hefur aldrei orðið að veruleika. Á þessum reit gæti komið: Góður skóli / með góðum garði þar sem fólkið í reykjavík gæti notast við. Eða útivistasvæði með íþróttatækum fyrir almening. Takk Takk
7 aðilum fannst þetta gagnlegt.
|
|
|
Því miður lítur út fyrir að slippurinn fari af þeim stað sem hann er nú við Reykjavíkurhöfn. Þarfir slippa hafa breyst, og hótel og íbúðir eru að rísa allt í kring. Mikil byggð rís á þessu svæði og hefðbundin hafnastarfsemi hverfur. Því ekki að láta skip standa áfram 'í slipp', breyta þeim í frábæran rólóvöll, með sandi í kring, kaffihúsi/veitingastað um borð, boltalandi, köðlum, dýnum, klifurgrindum og hinu og þessu fyrir krakka um borð og í kring. Leikvöllur með sögulega skýrskotun.
7 aðilum fannst þetta gagnlegt.
|
|
|
Ég ekki heitur andstæðingur þess að flugvöllurinn fari en mér finnst spurningin hafa haldið málinu í gíslingu í 15 ár. Rétt spurning er "HVAR viltu að flugvöllur einka- og innanlandsflugs frá Rvk sé staðsettur?" Engir raunhæfir kostir hafa verið ræddir og því er umræðan á sama stað og fyrir 15 árum. KEF er ekki raunhæfur möguleiki vegna vinds. Það sleppur með stóru millilandavélarnar en er of hvasst fyrir Fokkerinn og minni vélar. Setjum Miklubraut í göng og fáum land fyrir fólk ekki bíla
11 aðilum fannst þetta gagnlegt, 4 fannst það ekki.
|
|
|
Það er eingöngu einn staður fyrir hunda í reykjavik og það vantar fleiri staði,og það vantar vatn fyrir þá á geirsnefi,,svo er allt í drullu þar hjá bílastæðinu þarf að laga það.
7 aðilum fannst þetta gagnlegt.
|
|
Í vinnslu
Trukkana burt úr íbúðahverfum
Geymsla atvinnubíla (Trukka af öllum tegundum) í íbúðarhverfum flokkast undir umhverfissóðaskap,sofandahátt í
skipulagsmálum og tillitsleysi við íbúa þeirra hverfa sem mega sætta sig við þennan ófögnuð.Þegar trukkarnir eru
hita sig upp eftir næturdvöl í friðsælu úthverfi leggur dísilstybbuna um nágrennið.Þetta skapar líka aukna slysahættu
á þeim tíma sem börn eru á leið í skóla . Reykjavíkurborg á ekki að sjá fyrirtækjum fyrir geymslusvæði f bílana
8 aðilum fannst þetta gagnlegt, 1 fannst það ekki.
|
|
Milli garðanna á Sólvallagötu og Ásvallagötu (frá Hofsvallagötu að Bræðraborgarstíg) liggur stórskemmtilegur stígur sem er töluvert mikið notaður af fjölskyldunum sem búa þar. Hann er í algjörri niðurníslu og ekki bætti úr skák þegar ljósleiðari var lagður síðasta sumar og allur stígurinn grafinn upp. Í kjölfarið er hann eitt stórt drullusvað og sáralítið notaður fyrir vikið. Það þarf að hreinsa hann upp og setja nýja möl, jafnvel malbika.
6 aðilum fannst þetta gagnlegt.
|
|
|
Illa staðsett tré eru verri en engin tré. Í mörgum tilfellum fer betur að nota runna heldur en tré sem verða risavaxin, t.d. til að aðskilja hjólreiðarstíga frá umferðargötum og til að punta upp á bílastæði og torg.
6 aðilum fannst þetta gagnlegt.
|
|
|
Hraðakstur er alltof almennur í miðbænum þrátt fyrir að hámarkshraði sé víðast hvar 30km á klst. Þetta veldur því að gangandi vegfarendur eru í stöðugri hættu. Við treystum ekki börnunum okkar úti að leik og gamalt fólk veigrar sér við að vera á röltinu. Spurning hvort eigi að setja þungatakmarkanir og hafa umferðarlögreglu sýnilega í hverfunum. Hún yrði fljót að borga sig upp ef hún mætti sekta!
6 aðilum fannst þetta gagnlegt.
|
|
|
Miðbærinn og Lækjartorg sérstaklega, líða fyrir ískaldan vind af hafi.
Með því að huga að veðurlagi við skipulag miðbæjarins í grennd við Hörpu er vonandi hægt að gera torgið vistlegra og 17.júní yndislegri
6 aðilum fannst þetta gagnlegt.
|
|
|
af Vedurvaktin.is:
"Í skipulagi byggðar hér á landi skiptir miklu að byggðin sjálf myndi skjól í algengustu vindáttunum og að einstakar byggingar séu hannaðar og staðsettar þannig að vindstrengir nái sér síður á strik. Vindur eykst alla jafna með hæð og hærri byggingar geta hæglega dregið aukna veðurhæð niður á lóð umhverfis bygginguna. Samsetning og gerð hærri bygginga, innbyrðis staða og bilið á milli þeirra eru allt þætti sem áhrif hafa á vindskilyrði. "
Uppruni: http://www.vedurvaktin.is/um.html#
6 aðilum fannst þetta gagnlegt.
|
|
|
Frábær hugmynd, ónýtt auðlind í vesturbænum.
6 aðilum fannst þetta gagnlegt.
|
|
|
Það á að færa styttuna af leifi heppna af skólavöruholti því hún skyggir á flottu kirkjudyrnar á hallgrímskirkju! Það mætti t.d. fara með stytuna niður að höfn - Austurhöfn hjá Hörpu - og gera flott umhverfi í kringum hana þar, helst láta kappann horfa í átt til grænlands. Styttan gæti þar orðið hluti af þessum lsitqaverkum sem eru meðfram strandlengjunni og götumyndin upp skólavörðustíginn að kirkjunni yrði miklu flottari en nú er!
6 aðilum fannst þetta gagnlegt, 1 fannst það ekki.
|
|
|
Í vinnslu
Losna við sandhaugana við Bryggjuhverfið
Frá því að Bryggjuhverfið var byggt upp var sagt að Björgun yrði flutt úr hverfinu. Umferð flutningabíla fylgir drulla. Sandfok og hættur fylgja starfseminni. Liðinn er áratugur og ekkert bólar á flutningi né frekari uppbyggingu hverfisins. Verðmæti eigna lækkar þótt húsin séu ný. Erindum til borgarstjóra svarað af embættismönnum. Lagfæringar hér og þar en ekki pólitísk forysta um flutning. Þolinmæði íbúa er á þrotum. Kæri Jón, tíminn til að gera Bryggjuhverfið einnig betra er þetta kjörtímabil!
Uppruni: http://www.bryggjuhverfi.net/
5 aðilum fannst þetta gagnlegt.
|
|
|
Með því að hanna byggð/umhverfi og allar framkvæmdir út frá notendum má nálgast og finna lausnir sem oft eru ódýrari og einfaldari en ætla má í fyrstu. Allt of mikið af framkvæmdum eru gerðar byggðar á gamalli þekkingu, fyrirframgefnum forsendum eða skorts á upplýsingum um raunverulegt vandamál ákvörðunaraðila. Með því að nýta sér rannsóknaraðferðir, nýjustu rannsóknir á mannlegri hegðun, og að spurja fólk,prófa fólk og einnig að verða vitni að því hvernig fólk nýtir umhverfið má ná meiri árangr
5 aðilum fannst þetta gagnlegt.
|
|
|
Slippsvæðið þarf að lagfæra strax í vor og tyrfa auða malarsvæðið. Setja upp almenningsgarð með útimörkuðum, tónleikahaldi ofl. Næst má flytja gömul hús á slippsvæðið og reka þar veitingastaði, gallerí, kaffihús, söfn, markaði ofl. Síðar má flytja sögufræg hús frá Árbæjarsafninu sem geyma sögu okkar um sjómennsku og fiskveiðar. Markaður með ferskan fisk, kjöt og grænmeti hentar vel á þessu svæði. Gatan aftan við stóra Slipphúsið gæti verið göngugata sem tengir slippsvæðið við miðbæinn.
5 aðilum fannst þetta gagnlegt.
|
|
|
Í miðbænum ættu gangandi vegfarendur, börn, fatlaðir og hjólafólk alltaf að vera í forgangi hvað snertir umferðarmál. Almenningssamgöngur ættu síðan að vera valkosturinn, en einkabílar óæskilegir. Þess vegna finnst mér líka sjálfsagt að hækka bílastæðagjöld og taka hart á öllum sem leggja ólöglega í miðbænum.
5 aðilum fannst þetta gagnlegt.
|
|
|
Öryggi barna er sérstaklega ógnað þegar engin gangstétt er þeim megin sem þeirra heimili er við götu. Börn og foreldrar eru hvattir til að ganga í skóla og styð ég það. Hættan er mest þegar gengið er heiman frá okku því þegar gengið er úr garðinum ertu kominn út á götu á milli bíla og því skyggni slæmt bæði fyrir gangandi sem og akandi aðila. Ég skil hreinlega ekki óréttlætið að einungis sé gangstétt öðru megin í götunni, eiga ekki allir íbúar götunnar jafnan rétt á öryggi í umferðinni?
4 aðilum fannst þetta gagnlegt.
|
|
|
Þetta hús hentar einstaklega vel þeirri starfsemi sem þar er núna, og ég vil draga í efa, að nokkurt annað hús sé til sem hefur brúað kynslóðabilið jafn rækilega í gegn um tíðina.
Í þessu húsi hefur kynslóð eftir kynslóð skemmt sér konunglega, og ég tel það stórslys ef húsið verður rifið.
Það eru nógir aðrir staðir sem henta mun betur fyrir hótel.
4 aðilum fannst þetta gagnlegt.
|
|
|
Google Translate þýðing á efni
|
Að taka þátt er auðvelt og skemmtilegt. Skráðu þig inn og veldu hvaða hugmyndir þú styður. Því fleiri sem styðja hugmynd, því hærra rís hún.
