Augnablik
hleð...
|
|
|
|
Á opnum svæðum borgarinnar er mjög kostnaðarrík túnrækt, það þarf að slá grasið reglulega og bera einhvern áburð á það, svo það líti sæmilega út. Með því að planta ýmsum trjátegundum, með amk 4-6m millibili, myndi með tíð og tíma vaxa bjart og sjálfbært (að mestu) skóglendi. Helst þyrfti að nota um 50- 150 cm háar plöntur, svokallaðar beðplöntur. Í stað grassins, mun vaxa meira af blómplöntum, gæti jafnvel leitt til minna frjós í umhverfinu. Skóglendi á að vera "normið", ekki túnrækt.
8 aðilum fannst þetta gagnlegt.
|
|
|
Það er í raun fáránlegt að það skuli vera nauðsynlegt að borga peninga til að endurvinna. Vissulega er 1000 kr á mánuði ekki mikill peningur, en það er eflaust nóg til að fá fátækan námsmann eða hvern sem er til að velta því vandlega fyrir sér. Hvatinn til að endurvinna þyrfti að vera þeim mun meiri. Svo er endurvinnsla verðmæta- og atvinnuskapandi svo vonandi yrði þetta arbært. Hins vegar þyrfti að kenna Íslendingum að endurvinna, en það er allt önnur saga.
8 aðilum fannst þetta gagnlegt.
|
|
|
Það er fjárhagslega hagkvæmt fyrir borgina ef borgarbúar flokka sorp og það hefur verið sýnt fram á það í ýmsum sveitarfélögum úti á landi. Það er hægt að selja endurunnið sorp og kostnaður við urðun minnkar. Endurvinnslutunnur ættu þess vegna að vera af því grunngjaldi sem borgarbúar greiða fyrir sorphirðu en ekki ætti að þurfa að greiða fyrir þær aukalega.
6 aðilum fannst þetta gagnlegt.
|
|
|
Í vinnslu
Útisundlaug við Sundhöllina
Mikilvægt er að geta boðið upp á inni- sem og útisund við Sundhöllina. Sundstaðir stuðla að hreyfingu og velferð allra aldurshópa og laða einnig að ferðamenn, innlenda sem og erlendra. Auk þess myndi framkvæmd sem þessi vera atvinnuskapandi fyrir arkitekta, verkfræðinga, iðnaðamenn og fleiri. Áhugasamir geta skoðað Facebook-síðu Torfusamtakanna og tölvuteiknaða mynd af útisundlaug Sundhallarinnar.
5 aðilum fannst þetta gagnlegt.
|
|
Í vinnslu
Losna við sandhaugana við Bryggjuhverfið
Frá því að Bryggjuhverfið var byggt upp var sagt að Björgun yrði flutt úr hverfinu. Umferð flutningabíla fylgir drulla. Sandfok og hættur fylgja starfseminni. Liðinn er áratugur og ekkert bólar á flutningi né frekari uppbyggingu hverfisins. Verðmæti eigna lækkar þótt húsin séu ný. Erindum til borgarstjóra svarað af embættismönnum. Lagfæringar hér og þar en ekki pólitísk forysta um flutning. Þolinmæði íbúa er á þrotum. Kæri Jón, tíminn til að gera Bryggjuhverfið einnig betra er þetta kjörtímabil!
Uppruni: http://www.bryggjuhverfi.net/
5 aðilum fannst þetta gagnlegt.
|
|
|
Bið barna eftir þjónustu talmeinafræðinga "úti í bæ"er iðulega löng og oft líða 2 vikur á milli meðferðartíma. Þó slík inngrip geti nægt börnum með smávægilega framburðargalla, þá eru þau ekki næg fyrir þann hóp sem glímir við meiri frávik. Ég vil sjá talmeinafræðinga við grunnskóla Reykjavíkur, í nærumhverfi barnanna sem þeir þjóna og í daglegu samneyti við aðra fagaðila þar sem vinna að menntun og hagsmunum þessara barna. Slíkt hlýtur að þjóna hagsmunum barna, fjölskyldna og fagfólks.
4 aðilum fannst þetta gagnlegt.
|
|
|
Með því að búa til grasgrænann malbikaðann hjólreiðastíg frá Reykjavíkur í gegnum Kópavog, Garðabæ og Hafnarfjörð til Keflavíkur væri stígið stórt umhverfisvænt skref í átt að náttúru Íslands. Hægt væri að hafa 10km Vatnsstopp á leiðinni þar sem fólk gæti sest niður og spjallað og notið umhverfisins. Þetta er sameiginlegt og mikilvægt verk allra sveitafélaga sem að máli koma. Að auki væri hægt að halda allskonar keppnir í tengslum við þessa leið.
4 aðilum fannst þetta gagnlegt.
|
|
|
Með lokun Rauðarárstígs og Miklubrautar, skapast mun meira umferðaröryggi, bílar frá Miklubraut keyra á miklum hraða niður Rauðarárstíg. Þetta veldur mikilli hættu fyrir allt mannlíf í Norðurmýri, og það gesti Klambratúns. Umferð getur beinst frekar á Snorrabraut og Lönguhlíð.
5 aðilum fannst þetta gagnlegt, 1 fannst það ekki.
|
|
|
Einelti er eins og allir vita mannréttindabrot og börnin okkar verða að virða allar manneskjur, ekki bara þá sem eru eins í hópi.
4 aðilum fannst þetta gagnlegt.
|
|
|
Um árabil hafa starfsmenn og foreldrar barna í Fálkaborg rætt um að vegna þrengsla á bílastæði við leikskólann skapist þar iðulega slysahætta, ekki síst á snjóþungum vetrum. Í leikskólanum er pláss fyrir um 63 börn og þar starfar örugglega hátt í 20 starfsmenn. Bílastæði við leikskólann eru um 10 talsins. Flestir foreldrar koma með börn sín í leikskólann á leið sinni til vinnu og flestir sækja líka börnin sín á leiðinni heim. Öngþveiti myndast, óhöpp verða, vörnum slysum, fjölgum stæðum.
5 aðilum fannst þetta gagnlegt, 1 fannst það ekki.
|
|
|
Bráðaþörf er á vitrænni umferðartengingu á milli Skerjafjarðar (687 íbúar + norðurhlutinn) og KR íþrótta- og verslunarsvæðisins í Vesturbæ, líka fyrir strætótengingu. Best er að fylgja jaðri byggðarinnar, enda eru Ægisíða (og Þorragata) einungis með hús öðru megin. Mikil hætta fylgir núverandi ástandi sikk sakk í gegn um hverfin. Beintenging Ægisíðu við hringtorgið fylgir framtíðarsýn með minnstum óþægindum fyrir íbúana. Umferð inn og út úr hverfunum meðfram flugvelli minnkar álag á Melatorgi.
3 aðilum fannst þetta gagnlegt.
|
|
|
Gott strætókerfi er jafnréttismál ef tíðari strætóferðir væru og vagnarnir keyrðu allavegana til eitt á nóttunni ættu þeir sem ekki eiga bíl fleiri tækifæri á að taka þátt í félags- og tómstundastarfi. Peningasparnaður í viðhaldi á götunum. Aukið öryggi í umferðinni þvi færri færu um á einkabílum. Byrja má með að halda inni öllum leiðum og tímaáætlunum eins og vagnarnir ganga núna um miðjan daginn á virkum dögum og halda því inni alla daga, líka um helgar. Bæta þjónustuna með endurskipulaggningu
3 aðilum fannst þetta gagnlegt.
|
|
|
Ég tel að það sé stórhættulegt sem nú virðist vera í tísku hjá þeim sem fara með umferðarmál í borginni (og hefur verið um nokkurt skeið), að merkja ekki gangbrautir skýrt og greinilega með því að sebramála þær. Þetta er mikilvægt öryggisatriði fyrir alla vegfarendur (ekki síður ökumenn en aðra) og ætti að vera einfalt og ódýrt að kippa í lag. Það er alls ekki nóg að hafa skilti sem vísar að bílstjórum - algjört lágmark að gangandi vegfarendur SJÁI auðveldlega hvar gangbrautir eru!
3 aðilum fannst þetta gagnlegt.
|
|
|
Skipulag kerfisins er lykilatriði.
Margir vilja tíðari ferðir - en slíkt er ekki bara kostnaðarsamt, heldur ekkert endileg lausnin.
Mun frekar að dreifa leiðunum svo stutt væri að fara í vagn og að komast nálægt sínum áfangastað - og svo... og þetta er mikilvægi parturinn - að láta leiðirnar hittast á lykil-stöðum á sama tíma.
Þannig væri hægt að hoppa milli vagna án aukabiðar og komast tiltölulega hratt og nálægt áfangastað. Auk þess minnkar álag á smærri götum sem nú eru með margar leiðir.
2 aðilum fannst þetta gagnlegt.
|
|
|
Systkini á fleiri en einum leikskóla þýða aukinn akstur á milli staða og lengri vistunartíma. Gæðatími fjölskyldunnar minnkar.
Jafnræðisregla stjórnarskrár var notuð til að afnema systkinaforgang en þegar börn eru bara tekin inn á haustin er börnum mismunað eftir hvenær árs þau eru fædd. Börn fædd í ág.-okt. fá t.d. pláss 3ja ára.
Leikskóli í göngufjarlægð frá heimili minnkar bílaumferð, styrkir félagsþroska og öryggistilfinningu barnanna þar sem umskiptin yfir í grunnskólann verða mýkri.
2 aðilum fannst þetta gagnlegt.
|
|
|
Bið barna eftir þjónustu talmeinafræðinga "úti í bæ"er iðulega löng og oft líða 2 vikur á milli meðferðartíma. Þó slík inngrip geti nægt börnum með smávægilega framburðargalla, þá eru þau ekki næg fyrir þann hóp sem glímir við meiri frávik. Ég vil sjá talmeinafræðinga við grunnskóla Reykjavíkur, í nærumhverfi barnanna sem þeir þjóna og í daglegu samneyti við aðra fagaðila þar sem vinna að menntun og hagsmunum þessara barna. Slíkt hlýtur að þjóna hagsmunum barna, fjölskyldna og fagfólks.
2 aðilum fannst þetta gagnlegt.
|
|
|
Ef talmeinafræðingar væri við grunnskólana þá gætu þeir leiðbeint kennurum til að fá markvissari þjálfun í allt skólastarfið. Talmein lagast ekki á einni nóttu. Það þarf markvissa þjálfun sem myndi nýtast mun betur ef kennarar væru meira meðvitaðir. Þess vegna styð ég þessa hugmynd.
2 aðilum fannst þetta gagnlegt.
|
|
|
Það er borgað sérstakt aukagjald ef maður notar nagladekk í Osló, og hefur dregið úr notkun.
Auðvitað verður að skoða málið vel, og kannski stefna að þessu haustið 2013 frekar en frá janúar 2013.
2 aðilum fannst þetta gagnlegt.
|
|
|
Nagladekkin slita göturnar og auka þannig kostnað borgarinnar við malbikun. Þá draga hjólförin úr umferðaröryggi og ofmat á öryggi með nagladekkjum getur líka haft áhrif í sömu átt. Nagladekkin bæta við oþægilegt og heilsuspillandi svifrykið. Alþjóðleg vimið um svifryk fara lækkandi, og eru braðum að ná okkur í skottið. Það verður því að grípa til aðgerða. Heilsa borgarbúa hefur áhrif á rekstrarkostnaði borgarinnar i gegnum velferðarkerfið og vanheilsa dregur úr skatttekna.
2 aðilum fannst þetta gagnlegt.
|
|
|
Það sárlega vantar gagnvirkan hugmyndavef á borð við betrireykjavik.is. Með því að búa til nýjan vef sem er byggður á sömu hugmyndafræði og betrireykjavik.is gæti öll þjóðin sest við sama borð. Miðað við þá peningaupphæð sem lagt hefur verið í að koma íslensku þjóðinni á framfæri við stjórnvöld er framkvæmd er þessi hugmynd aðeins brot af þeim kostnaðir. S.b. stjórnlagaráð og þjóðfundinn sem kostuðu okkur skildinginn. BetraÍsland.is myndi fara eftir sömu leikreglum og betrireykjavik.is
2 aðilum fannst þetta gagnlegt.
|
|
|
Ég er sammála mikilvægi þess að talmeinafræðingar vinni í nærumhverfi barnsins. Teymisvinna þeirra sem vinna með börnunum og samvinna við foreldra mun skila góðum árangri. Því miður verður verður líklega biðlisti í leik og grunnskólum eftir þjónustu talmeinafræðinga þangað til að nægilega margir hafa verið ráðnir. Launakjör hafa mikil áhrif á stöðuna. Reykjavíkurborg býður talmeinafræðingum 311 þús. kr. í laun á mánuði.
2 aðilum fannst þetta gagnlegt.
|
|
|
Hringtorg myndi tengja Skerjafjörð, litla Skerjó og flugvallarsvæðið við S-Vesturbæ og Seltjarnarnes og spara mikinn akstur hjólandi og keyrandi. Til vara (ódýrara) mætti skoða að opna fyrir innakstur af Suðurgötu til vinstri inn á Lynghaga þegar ekið er til norðurs. Nú þarf að taka U-beygju á móts við Grímshaga vilji maður komast til vesturs án þess að þurfa að keyra Hjarðarhagann fyrst, sem er fáránlegt.
2 aðilum fannst þetta gagnlegt.
|
|
|
Ég er frekar hrifinn af því að leyfa umferð sem keyrir norður suðurgötu að beygja til vinstri inn á Lynghagann. En það að gera hringtorg sem tengir Ægissíðu við Þorragötu finnst mér algjör óþarfi. Þarna er útivistarsvæði, leikskóli, fínn hjólastígur og fótboltavöllur. Bílamengun og hávaði myndi aukast við leikskólann sem er þarna. Þessi framkvæmd mun einungis stytta leiðina fyrir akandi vegfarendur um 300m en ekki neitt fyrir hjólandi, það eru fyrir fínir hjólreiðastígar þarna.
2 aðilum fannst þetta gagnlegt.
|
|
|
Til að þessi leið geti orðið að veruleika þarf að leggja viðbótar stíg um nokkurra km leið frá Straumsvík og að gamla Keflavíkurveginum. Þar væri hægt að merkja þann veg sérstaklega með reglulegum hjólmerkingum, svo geta menn stoppað í Vogum og fengið sér hressingu og síðan er nú eignlega ekki margt langt til Keflavíkur. Við þurfum ekki að festast í því að hjólafólk hjóli samsíða hraðbrautum, stórar hjólaleiðir erlendis fara oftast um fáfarnari vegi og minni bæi.
2 aðilum fannst þetta gagnlegt.
|
|
|
Fólk sem býr í miðbænum þarf að búa við að migið sé á hús þeirra og það sama þurfa verslunareigendur að glíma við. Þó er vart við gerendur að sakast þegar salernisaðstaða almennings í miðbænum er bundin við 3 klósett sem falin eru innaní 5 metra háum ruslatunnum. Skemmtistaður ætlaður 80 manns fengi aldrei úthlutað leyfi með slíka salernisaðstöðu. Afhverju þykir þetta þá nóg fyrir miðbæ Reykjavíkur sem fær 600.000 ferðamenn í heimsókn á ári og tugir þúsunda Íslendinga skemmta sér í hverja helgi?
2 aðilum fannst þetta gagnlegt.
|
|
|
Með bættu skipulagi (og stundvísi) er mikilvægara að vagnar fari nálægt upphafi og enda þeirra leiða sem fólk fer.
Ef auka ætti ferðir væri þá allavega vit í að nota frekar minni vagna - en margir núvernadi keyra um því sem næst tómir.
Þá væri allavega minni aukning í álagi á umferðarkerfið.
(Ég bý við götu þar sem margar leiðir fara framhjá og mjög nálægt húsunum - ef vagnar væru minni myndi ég ekkei taka eftir umferðinni - því þeir eru svo þungir og háværir)
1 aðilum fannst þetta gagnlegt.
|
|
|
já mér finnst mikið um það að þar sem eru gangbrautir t.d. við ljós en ekki sebramerktar, eru vegfarendur ótilitsamir göngumerkinu, ég fylgist vel með því hvort bílar stoppi eða ekki fyrir mér áður en ég labba yfir, semsagt þegar það er begjuljós á sama tíma og gönguljós, flesstum gæti bara ekki verið meira sama, fólk virðist hafa þá rök huggsun að vera að flíta sér og þurfa ekki að spá né bera tillit.
1 aðilum fannst þetta gagnlegt.
|
|
|
Einfaldlega ekki nógu mörg stæði til að sinna starfsfólki og börnum leikskólans. Þetta leiðuir til þess að keyrt er yfir gróður og kant steina í grennd við stæðið. Malbik einnig illa farið og lýsing léleg
1 aðilum fannst þetta gagnlegt.
|
|
|
Síðustu ár hafa mörg leiksvæði verið byggð í Reykjavík, sérstaklega gervisgrasvellir á eða við skólalóðir. Þessi svæði eru vel nýtt og er oft mikil hreyfing stunduð á þeim. Það væri tilvalið að setja upp vatnshana á þessum svæðum enda yrði kostnaður við framkvæmdirnar líklega ekki mikill og vatn eigum við nóg af!
1 aðilum fannst þetta gagnlegt.
|
|
|
Í vinnslu
Losna við sandhaugana við Bryggjuhverfið
Ef starfsemin krefst hafnaraðstöðu á fyrirtækið að fjárfesta í nýrri höfn og færa þann kostnað inn i verð vörunnar sem kúnnarnir greiða endanlega fyrir. Það er eðlileg lausn. Mikill kostnaður hefur þegar lagst á íbúa Bryggjuhverfis vegna þessa ástands í meira en áratug - með lækkun fasteignaverðs í hverfinu og vegna óþægindi sem fylgja starfseminni. Við þessar aðstæður getur fyrirtækið ekki gert kröfu um fullkomna hafnaraðstöðu fyrir eitt dæluskip.
1 aðilum fannst þetta gagnlegt.
|
|
|
Google Translate þýðing á efni
|
Að taka þátt er auðvelt og skemmtilegt. Skráðu þig inn og veldu hvaða hugmyndir þú styður. Því fleiri sem styðja hugmynd, því hærra rís hún.
