Gatnamót Hofsvallagötu og Neshaga eru alltof víð og hraðakstur mikið vandamál frá Hofsvallagötu og að Hjarðarhaga, en upphækkaða hraðahindrunin/gangbrautin við Hofsvallagötu er jöfnuð við jörðu og engin hraðahindrun er í götunni frá Hofsvallagötu og að Hjarðarhaga. Sniðugt væri að þrengja þessi gatnamót, laga upphækkuðu gangbrautina við Hofsvallagötu og setja tvo strætókodda við Neshaga 15 og Neshaga 16 samfara endurnýjun Hofsvallagötu á næsta ári (2015).
Að þrengja þessi gatnamót myndi þýða styttri gönguleið yfir Neshaga við gatnamótin, minni umferðarhávaði fyrir íbúa á Neshaga og öruggari gata fyrir alla.
Hofsvallagata er skilgreind sem safngata = safna umferðinni á þar til greinda götu til að halda umferð frá litlu íbúðargötunum. Því ætti ekki að vera hraðahindranir á slíkri götu því annars gæti það skilað sér í meiri umferð hjá barnaskólanum Melaskóla.
Lögreglan var við hraðamælingar á Neshaga í Nóvember 2013 þar sem að mældur var hraði á bílum sem ekið var frá Hofsvallagötu og að Hjarðarhaga. Meira en þriðjungur ökumanna, eða 36% óku of hratt eða yfir afskiptahraða. Meðalhraði hinna brotlegu var 44 km/klst en þarna er 30 km hámarkshraði. Sá sem hraðast ók mældist á 50. http://logreglan.is/displayer.asp?cat_id=1190&module_id=220&element_id=21062
This content is created by the open source Your Priorities citizen engagement platform designed by the non profit Citizens Foundation