Gott væri að setja einhvers konar hraðahindrun á hjólafólk sem er að koma niður göngustíginn sem liggur meðfram Strengi og inn að svæðinu á milli Sílakvíslar og Álakvíslar. Hjólafólk kemur oft á ansi miklum hraða inn á svæði þar sem börn eru mikið að leik og oft má litlu muna að hjólað sé á börnin þar sem stór tré skyggja einnig á útsýni hjólafólks. Ef t.d. járngrind væri sett á þennan stað, eins og þar sem götur og göngustígar mætast, gæti það dregið úr líkum á árekstri.
Hjólreiðamenn koma oft á ansi miklum hraða að leikvellinum í Sílakvísl og má oft litlu muna að það hjóli á börnin sem eru að leik. Göngustígurinn verður að einhvers konar ,,götuhættu" á sumrin þegar margir hjóla til vinnu. Börnin eiga að geta leikið sér á leikvellinum án þess að þurfa að hafa áhyggjur af umferð sem á ekki að vera inni á þessu svæði.
This content is created by the open source Your Priorities citizen engagement platform designed by the non profit Citizens Foundation